Friday, June 29, 2018
එතෙර සිට සැප විමසූ මිතුරාට
මිනිසත් කම ද වියැකෙන දුරු රටක සිට
විමසනු කිම ද මා තතු බැඳ කවියකට
ඇත ලොව නොයෙක් විසිතුරු දේ කිවිඳාට
විමසනු කිම ද මා තතු නිහැඬිව නොසිට
සොඳුරු දසුන් තිබුණ ද මේ නුහුරු රට
හද බස පෙළේ නිරතුරු කිවිඳුණි මෙරට
මව් බස අතැරි කවියෙකු වෙමි ලොබ සැපට
දුක් සැප සොයා වෙහෙසෙනු කිම එතෙර සිට
ඇතිමුත් රුවක් හස නදියේ රැළි අතර
සුදු පැහැයෙන් බබලන රූපක අතර
තිස් වසරක් ගත විය වැද මේ රටට
මා ලියු සිහල කවි දිය විය ගං දියට
දිය වුණු කවි අතර රූපක සොයා යන
මම වෙමි මහළු කවියා දුක් සැප විඳින
සුනිල් ගෝවින්නගේ
පර්ත් ගම
ජූනි 2018
Subscribe to:
Posts (Atom)
