ගුත්තිලේ සිවි පද ද පලා ගොස්
ගිලී ඇත වක ගැසුණු පාර මැද
පශ්චාත් සාහිත්‍ය විවර මත අසරණව
මැරී ඇත රූපක ද මහළු මිත්තණිය සේ
ගුරුළු ගෝමී ද නැත
සිඛ වළඳ පමණි ළඟ
ශ්‍රී රහල් හිමි ලියූ
පොත් ද නැත ළඟ පාත
ගුරුළු ගෝමී අතැර කැටුව ආ ඩෙරීඩා
ඇත වැතිර අලස ලෙස
දමයන්තී අතැර දෑවැද්ද සමග ආ
බිරිය මෙන් හොඳ මහත
වත්තෙ වූ පැල්පතේ පිපී ඇත මහ මැදුර
රූපක ද මිය ගොස් ය පශ්චාත් පඳුරු මැද
අසල ඇති කලපුවේ දිය රැඳිණ
නෙත් කෙවන මඩ වැන්න
රට පාල පරිපාල සේවයේ ඉහළ ගිය
ඉනි මං ද නැත අසල
චක‍්‍ර ලේඛණ නොයෙක
පසු කරන් ආ ගමන
අතර මං වූ සොඳුරු
නොලියු කවි පෙල වැන්න
රට පාල පරිපාල
සේවයට ඉහළ ගිය
ඉනි මගේ පහළ ඇත
වැසුණු ඔපෙරා තිරය
Subscribe to:
Post Comments (Atom)
Hmm.....
ReplyDelete